Ráðgevi til fíggjarstýring og KT

Hevur tú royndir við fíggjarstýring ella roknskapi? Og hevur tú serligan tokka til KT?

So kanst tú verða við at ráðgeva og menna framkomnar KT-loysnir til føroyskar fyritøkur og stovnar.

Arbeiði:

Arbeiðið snýr seg – í stóran mun – um at seta seg væl í tørvin hjá kundum okkara og veita ráðgeving í sambandi við verksetan av nýggjum KT skipanum og loysnum, sum betra mannagongdir og fíggjarstýring í breiðari merking.

Tín leiklutur verður serliga at ráðgeva í keyp, sølu, goymslu, roknskap, saksstýring og líknandi. Ein íborin partur av starvinum er áhaldandi at mennast fakliga. Tí er upplæring og vitanarbýti millum starvsfelagar ein sjálvsagdur partur av arbeiðsdegnum.

Tú hevur gjarna royndir við Business Central/NAV ella líknandi skipanum og hevur hug at gerast serfrøðingur, ið kann ráðgeva øðrum fyritøkum.

Heldur tú, at hetta kundi verið nakað fyri teg, vilja vit fegin hoyra frá tær.

Stýr:

Stýr veitir ráðgeving og loysnir, grundaðar á Microsoft Dynamics 365 Business Central. Vit veita fíggjarráðgeving og KT-loysnir til fleiri enn 150 virknar kundar í Føroyum og í Danmark.

Tú hevur

  • Royndir við Business Central/NAV ella líknandi skipanum
  • Fyrimunur um tú hevur útbúgving innan fíggjarstýring. T.d. HD ella Cand.merc.
  • Hegni til KT-skipanir
  • Hug at seta teg inn í nýggja tøkni
  • Áhaldandi og miðvíst arbeiðslag

Vit bjóða tær

  • Møguleika at mennast og vaksa við uppgávunum
  • Ein fjølbroyttan arbeiðsdag
  • Eitt óformligt og vinaligt arbeiðsumhvørvi
  • Bestu staðseting í býnum
  • Kappingarføra løn og aðrar góðar treytir

Spurningar?

Meiri fæst at vita um starvið við at venda sær til Róa Jacobsen, rakstrarleiðara – telefon 551554, teldupost rj@styr.fo.

Umsókn

Umsókn við CV og prógvum verður at senda til rj@styr.fo. Umsóknarfreistin er 18. september 2023. Vit taka ímóti umsóknum og halda samrøður so hvørt.